يادار الوفاء غبنا نعمر سواتك دار (اخر مشاركة : بكر - عددالردود : 1 - عددالزوار : 6 )           »          البارحه امسيت والفكر به عمس (اخر مشاركة : الهجاج - عددالردود : 0 - عددالزوار : 9 )           »          حفل زواج فهد عبدالرحمن النماء الحنيني (اخر مشاركة : سامي الحصني - عددالردود : 0 - عددالزوار : 37 )           »          رؤية حول الرهاب الاجتماعي (اخر مشاركة : الورّاق - عددالردود : 0 - عددالزوار : 13 )           »          حفل معايدة قبيلة الحوافا من ولد محمد بعدسة أ/ساري جهز الحويفي (اخر مشاركة : ساري الحربي - عددالردود : 0 - عددالزوار : 184 )           »          هل بنو حرب قبيله او تحالف ؟ (اخر مشاركة : اسامه الحربي - عددالردود : 0 - عددالزوار : 18 )           »          بوح قلم ...وحبر ألم ...! (اخر مشاركة : أبو زيـــاد - عددالردود : 79 - عددالزوار : 3495 )           »          شفقة النبى صلى الله عليه وسلم بالحيوانات والجمادات والنباتات (اخر مشاركة : النقاء - عددالردود : 0 - عددالزوار : 23 )           »          300 مليون ريال من السعودية لعلاج جرحى غزة (اخر مشاركة : عززى باسلامى - عددالردود : 0 - عددالزوار : 44 )           »          شبكة حرب الإعلامية (اخر مشاركة : سعداللهيبي - عددالردود : 4 - عددالزوار : 259 )           »         
الشات الصوتى


منتديات قبيله حرب الرسميه تهنئ جميع اعضاءها وزوارها الكرام بمناسبة حلول شهر رمضان المبارك لعام 1435 هجريه وتقبل الله منا ومنكم صالح الاعمال


التسجيل السريع مُتاح
عزيزي الزائر! سجلاتنا تفيد انك لست عضو لدينا في المنتدى,في حال رغبتم بالاِنضمام الى أسرتنا في المنتدى ينبغي عليكم ملء النموذج التالي!

اسم المستخدم: كلمة المرور: تأكيد كلمة المرور:
البريد الالكتروني: تأكيد البريد:
 
التحقق من الصورة
رجاء ادخل الستة أرقام أو الحروف الظاهرة في الصورة.

  موافق على شروط المنتدى 

إضافة رد
 
أدوات الموضوع انواع عرض الموضوع
قديم 04-23-2011, 07:50 AM   المشاركة رقم: 1
المعلومات
الكاتب:
اللقب:
( مـــؤ ســس )

البيانات
التسجيل: Feb 2010
العضوية: 7
المشاركات: 15,255 [+]
بمعدل : 9.29 يوميا
اخر زياره : [+]

التوقيت

الإتصالات
الحالة:
خالداللهيبي غير متواجد حالياً
وسائل الإتصال:

المنتدى : منتدى المحاورات المنقوله
افتراضي وقفات مع الشاعر الكبير (مبروك مبارك ابو ناب العصلاني ) 0





نتحدث في هذا الموضوع
عن الشاعر العلم البارز
صاحب الوقفات المشرفة والمتميزه
شاعر الحميه
وشاعر المحاوره
وابرز فرسانها
وهو شاعر قبيلة حرب


الشاعر :
(مبروك بن مبارك أبو ناب العصلاني الحربي)
هذا الشاعر الكبير المعروف
في ميدان الشعر
رغم ان الاعلام تجاهله
ولم يعطه حقه ، ولكن مبروك
ابو ناب ترك له بصمه في تاريخ
المحاوره والشعر يشهد لها الجميع
الشاعر مبروك ابو ناب تقابل مع الكثير من الشعراء ، سواء من جيل العمالقة ، الجبرتي ورجالله المحمدي والمسعودي والثبيتي وصياف رحمهم الله سبحانه
وتعالى أو من الموجودين الآن مثل رشيد الزلامي ومستور العصيمي حبيب العازمي وفيصل الرياحي وغيرهم



وإضافة إلى شعر المحاورة فشاعرنا له باع طويل في شعر النظم وله قصائد كثيرة في هذا المجال .
وفي فن الزومالة والمجالسي له باع طويل وشهرة واسعة .

نبذه تعريفية عن الشاعر مبروك أبو ناب
السيرة الذاتية :




الاسم : مبروك بن مبارك بن برّاك بن بريك بن برّاك بن مرشد بن مرشود ( ابو ناب ) بن عطاالله العصلاني الزبيدي المسروحي الحربي
(أبو حسن )
يلقب بأبو ناب نسبة لجده عطا الله أبو ناب
يسكن محافظة رابغ
العمر : 73
العمر الشعري خمسون سنة
بداياته مع شعر المحاورة والقلطة :
بدأ في شعر المحاورة وعمره ثلاثة وعشرون سنة



وأوائل من قابلهم حسن ابن عيفان البلادي ومحمد ابن شريف الجبرتي السلمي رحمهم الله وله مساجلات قويه مع اغلب شعراء المحاوره
فالماضي والحاضر 0












الشاعر مبروك ابو ناب وتكريمه في احدى حفلات مشايخ حرب


الشاعر مبروك ابو ناب في احدي محافل قبيلة جهينه













توقيع : خالداللهيبي

للتواصل معي
حسابي بالتويتر :
mntdyat@

عرض البوم صور خالداللهيبي   رد مع اقتباس
قديم 04-23-2011, 07:57 AM   المشاركة رقم: 2
المعلومات
الكاتب:
اللقب:
( مـــؤ ســس )

البيانات
التسجيل: Feb 2010
العضوية: 7
المشاركات: 15,255 [+]
بمعدل : 9.29 يوميا
اخر زياره : [+]

التوقيت

الإتصالات
الحالة:
خالداللهيبي غير متواجد حالياً
وسائل الإتصال:

كاتب الموضوع : خالداللهيبي المنتدى : منتدى المحاورات المنقوله
افتراضي رد: وقفات مع الشاعر الكبير (مبروك مبارك ابو ناب العصلاني ) 0


(اعتزال الشعر )






الشاعر مبروك ابو ناب كان يتمنى الابتعاد عن الشعر منذ فتره طويله ولكن هناك اسباب

عديده حالت بينه وبين هذا الطلب واولها رغبة جماهير الشعر من القبيله وخارجها

والمواقف التي تحتم عليه الوقوف وقفة المدافع عن القبيله وتمثيلها في المحافل
هي ايضا لها دور كبير في عدم ابتعاده عن الشعر
فكان ابو ناب قريبا دائما على رغم اصراره عن الاعتزال 0
8
8
8






في عام 1417 هجرية الشاعر مبروك مبارك ابوناب العصلاني أعلن إعتزاله الشعر نهائياً لإقتناعه بذلك .







( اعتزال بعد قناعه )





البارحه بعد العشاء يوم صليت

دقت هواجيسي وبالقاف غنيت
اطرى علي الشعر واخذت واعطيت
كأني مع الشعار يوم الملاقاه





آنا عشقت الشعر فأول شبابي

عمري يجي عشرين مدرك حسابي
رجال عارف وش خطايا و صوابي
والشعر له معنى و مغنى عرفناه





الشعر ماني سارقه في محله

جدي زعيم وحافظ الشعر كله
والصقر لاجاله جناحٍ يقله
ماهو بعيب كان جدي ورثناه





اخذت لي فالشعر مده طويله

ما قابل الا من خيار القبيله
ونولع النيران راس الفتيله
والشاعر اللي يحترمنا احترمناه





في ما مضى للشعر بالحيل عشقان

متولعه قلبي و للشعر طربان
أشوفني مكسب ولاني بخسران
واليوم فارقنا و حنا فارقناه





آنا فارقت الشعر ماهو مذله

قنعان من صوته وخوفٍ من الله
يسدني ما زل كثره وقله
ياكم قالوا لي وياكم قلناه





الشعر فارقته ولاني بيمّه

حالوا عليه أهل القلوب المطمّه
الشاعر اللي يظلم ابوه و امه
غريب قوله فأول الوقت و اتلاه





الشعر له ثمره مثل ثمرة الفن

عند الرجال أهل المعاريف و القن
واليوم ضاع الشعر ما عاد يحضن
من بعد هذا الحال حنا كرهناه





الشعر حطوا له مكاتب و كتاب

قاموا يمشونه على كل هنداب
الشعر له شيمه و قيمه و مضراب
كلٍ يغني به على قد معناه





والشعر لابد تاجيله مواقيف

عند اللزوم و عند ضيق المحاريف
والشعر له ضربه مثل ضربة السيف
ما كل شاعر راعي السيف ينصاه





شيٍ من الشعار شاعر و رجال

تلقى محله للمسايير مدهال
والا بعضهم غير صناع الامثال
قوم اللوازم فاللوازم تعداه





شيٍ من الشعار يعجبك قوله

يتبع كتاب الله و سنة رسوله
والا بعضهم من يسابق ذلوله
خابت عيون الصاحب اللي ترجاه





والخاتمه ياالله بحسن الهدايه

يالله تولاني بحسن الولايه
ياالله تغفر لي و تقبل دعايه
يا الواحد اللي كلنا في عطاياه







وفي عام 1419 هجرية عاد الشاعر الكبير مبروك مبارك العصلاني إلى قول الشعر والسبب في رجوعه هو إصرار شيوخ حرب وأعيانها و وجهاؤها الذين كانوا يأتونه في بيته و يطلبونه أن يعود

عندما اعلن الشاعر الكبير مبروك ابو ناب اعتزاله للشعر 0
8
8
8






الشاعر مبروك أبو ناب
واعلانه للاااعتزال







أعلن الشاعر الكبير مبروك أبو ناب العصلاني الزبيدي الحربي أعتزاله شعر المحاورة بعد خدمة طويلة أمتدت إلى نصف قرن من الزمان بدأها مع شعراء بارزين في ذلك الوقت مثل شعراء قبيلة سليم المجاورين لمحافظة رابغ مثل الجبرتي وابو مشعاب والخضيري وغيرهم، واعلن ابو ناب اعتزاله في الحفل السنوي الذي تقيمة قبيلة البلادية أهل بلدة أم العيال في وادي الفرع ذلك الحفل الكبير الذي سجلته قناة الساحة وبثته كاملا
وكان من ضمن فقرات الحفل
تكريم الشاعرين الكبيرين صياف الحربي ومبروك العصلاني أبو ناب







القى فيها الشاعر مبروك ابو ناب
كلمة للحضور يقول فيها :

- نشكر الله ثم نشكر من قاموا بهذا الحفل ونظموه على حسن الطبيعه
- شعار حرب الحمدلله كثير ، هلال يغيب وهلال يطلع
- أعبر عن مايخصني من الشعر
- قدمت لي قصيدة إعتزال ، إستسمحت من ربعي ومثلت فيها بعض الشعار وليس كلهم
- الشاعر لسان القبيله ، فالشاعر الذي مايقف من دون ربعه على قدر طاقته واستطاعته فليس بشاعر

- انا خدمت الشعر خمسين عام ، أول قمت زوم أبغى شعر القلطه ، وأتلى أقوم لزوم


ثم ألقى قصيدة الإعتزال بلحن جميل نالت على استحسان وإعجاب جميع الحضور



قصيدة الاعتزال:



أول الفال أبتدينا بالله وذكـر الرسـول=

الله الفرد الصمد وزع على الناس العقـول
الله اللي يعلم الاسرار عالـم وش نقـول=
والرسول المصطفى يامن حضر صلوا عليـه
ياسلام الله على كل الرجـال الحاضريـن=
الرجال اللي تلافوا من شمال ومـن يميـن
ردةٍ مثل الحيا منتوجهـا تقـوى وديـن=
الرسول المصطفى يامن حضر صلوا عليـه
كلفونا مـن ديرنـا ليـن جينـا ربعنـا=
ربعنا اللي في العوايد طبعهم مـن طبعنـا
راينا واحد وهذا الحفـل كانـه حفلنـا=
الرسول المصطفى يامن حضر صلوا عليـه
بيض الله وجه ابو عادل ومن حضر الحفل=
والكرم والجود ياراعيه من طيب العمـل
المثل بيقول مايشيل الحمـول الا الجمـل=
الرسول المصطفى يامن حضر صلوا عليـه
اسمحوا لي يا الحروب انا بذلت الإعتـزال=
واعتقدنـا بالله الجبـار عزيـز الجـلال
كلها الدنيـا دنيـه ماتضـوي راسمـال=
الرسول المصطفى يامن حضر صلوا عليـه
لي يجي خمسين عام انـا تعلمـت الشعـر=
دون ربعي حامي الماقف مثل ضابط خفـر
كل بابٍ له جواب وكل علمٍ لـه سعـر=
الرسول المصطفى يامن حضر صلوا عليـه
شجعوني حرب ربعي قالوا العب يابطـل=
حظهم مثل الجبال النايفـه قـول وفعـل
من ثمود وعاد الى حكم السعودي معتـدل=
الرسول المصطفى يامن حضر صلوا عليـه
ليتهـا ياليتهـا ثـم اتمنـى كـل عيـد=
اتمنى عمر صياف السحيمي مـن جديـد
شاعر الشعار في الماقف يفيـد ويستفيـد=
الرسول المصطفى يامن حضر صلوا عليـه
السحيمي رقم واحد والا انا عن شاعرين=
دون حرب افدى بروحي باللسان وباليمين
والشهاده جابها الله من خيار الشاهديـن=
الرسول المصطفى يامن حضر صلوا عليـه
قابلونا من سليم ومـن عتيبـه والبقـوم=
قابلونا من مطير ومن جهينه فـي اللـزوم
ثم اخذنا قسمنا وافي من خيـار القسـوم=
الرسول المصطفى يامن حضر صلوا عليـه
فيه ماقف بالفلوس وماقفٍ مابـه فلـوس=
والعيون ام الرمد ماطابت الا بالكبـوس
يوم حلقات التحدي يوم تقليع الضـروس=
الرسول المصطفى يامن حضر صلوا عليـه
راح وقت الشعر من بعد الجبرتي والتويـم=
والثبيتي والسحيمي والخضيري من سليـم
مع بطيحان الهذيلي راعي الشعر الحكيـم=
الرسول المصطفى يامن حضر صلوا عليـه
بعد ابن مستور عبدالله وجارالله شبـاب=
والعلياني سعيّد والزبيـدي ذخـر نـاب
مع شليويح المطيري والسميري في الجواب=
الرسول المصطفى يامن حضر صلوا عليـه
الشعر عوّد بضاعه زيد يـاراع الفلـوس=
والبضاعه مشكلتها من ضعيفين النفـوس
فيه شعر بالحلال وشعر بالكذب معـدوس=
الرسول المصطفى يامن حضر صلوا عليـه
إن زهمت الشاعـر الاول يجاوبنـي نعـم=
وان زهمت الشاعر الثاني كلام بلا طعـم
وان زهمت الشاعر الثالث يزيد الهم هـم=
الرسول المصطفى يامن حضر صلوا عليـه
العرب كلن بفكره كل شاعر لـه مجـال=
فيه شعر يقال والا فيـه شعـر مايقـال
وينكم ياللي تعرفون الحرام مـن الحـلال=
الرسول المصطفى يامن حضر صلوا عليـه
وآسعد من فاز لا مد الصـراط المستقيـم=
فاز بالفردوس الاعلى من نعيم اليا نعيـم
والكفر وابليس واللي يتبعه وسط الجحيم=
الرسول المصطفى يامن حضر صلوا عليـه
فالبدايـه والنهايـه نذكـر الله ذاكريـن=
يالله احسن خاتمتنـا يامجيـب السائليـن
الله اللي نعتزي به كل وقت وكل حيـن=
الرسول المصطفى يامن حضر صلوا عليـه













توقيع : خالداللهيبي

للتواصل معي
حسابي بالتويتر :
mntdyat@

عرض البوم صور خالداللهيبي   رد مع اقتباس
قديم 04-23-2011, 08:00 AM   المشاركة رقم: 3
المعلومات
الكاتب:
اللقب:
( مـــؤ ســس )

البيانات
التسجيل: Feb 2010
العضوية: 7
المشاركات: 15,255 [+]
بمعدل : 9.29 يوميا
اخر زياره : [+]

التوقيت

الإتصالات
الحالة:
خالداللهيبي غير متواجد حالياً
وسائل الإتصال:

كاتب الموضوع : خالداللهيبي المنتدى : منتدى المحاورات المنقوله
افتراضي رد: وقفات مع الشاعر الكبير (مبروك مبارك ابو ناب العصلاني ) 0



الشاعر مبروك ابو ناب العصلاني (على مستوى المحافل الرسميه )








الشاعر مبروك مبارك ابوناب العصلاني الحربي هو الشاعر ألأول دائماً لا أحد يضاهيه في قول الشعر في المحافل الرسميه
على مستوى القبيله وشيوخها وايضا منطقة رابغ وجميع ديار حرب .

في جميع الزيارات التي قام بها الملك أو ولي العهد أو أميرأمارة مكة المكرمة حفظهم الله لمحافظة رابغ يبدأ الحفل بتلاوة القرآن الكريم ثم بكلمة لمحافظ محافظة رابغ الشيخ بن مبيريك ثم بقصيدة للشاعر القدير ابو عبدالمحسن مبروك مبارك ابوناب العصلاني الحربي ومن عنده شك في قولي هذا فليذهب الى مكتبة التلفزيون السعودي ويشاهد بنفسه تلك الزيارات .

عندما جاء خادم الحرمين الملك فهدبن عبدالعزيز آل سعود حفظه الله الى محافظة رابغ لوضع حجر أساس مصفاة رابغ ألقى الشاعرمبروك ابوناب قصيدة أمام خادم الحرمين الملك فهد حفظه الله ارجو قبول إعتذاري لعدم وجودها عندي ولكن هذه قصيدة ثانية للشاعر مبروك ابوناب بمناسبة زيارة ولي العهد الأمير عبدالله بن عبدالعزيز حفظه الله لسعادة محافظ رابغ الشيخ محمد بركة إسماعل بن مبيريك :

يا مرحبا حييت يا صقر حضر = عـد الـسنه وأيـامـها و شـهـورها

ياضيفنااللي ضيفته مثل المطر = مثل المطرفي الـداريـوم نـزورها

عمت بنا الفرحه بعدجاناالخبر = وأهل البلد جاها إنشراح صدورها

سـكان رابـغ بالزياره تـفـتـخر = و يـقــدمـون ورودهـا وزهـورهـا

ولي عهد الفهد بالطيب اشتهر = ريّـس حرسـنا اللي يـقـوم بـدورها

الله يعـز الفهد في طول العـمر = خـادم بـيـوت الله مــزود نــورهـا

الله عـظـيـم الـشان ولآه الأمـر = قـاد الـمـسيره والـفـهـد دكـتـورها

مـوفـقـه ربي ومعـطيه النـصـر = خـلى الأعـادي ما تـطيرطيـورها

والـنـائـب الثـاني لـيا شب النظر = كـيـد العـدى وكـيدها في نحورها

سلطان لطام العداء وقت الخطر = من حكمة الله كسرهافي ظهورها

وأمـير مكـه عـزنا سـر و جـهـر = يا عـزنـا في وردها و صـدورها

تـعيـش يا ماجد بك الـدار أعتـمر = انـته ربـيـع الـدار وانـت نـورها

يا ملـوكـنـا دمتوا لنا عـز وفـخـر = الله يعـز الـمـمـلـكـه وصقـورها

انـتـم حـماة الـدار فـي بر وبـحـر = أمـن الـجـزيـره برها و بحورها

والشعب طايع لأمركم بدووحضر = آل الـسـعـوداللي حكـيـم شورها

حـنا في امـان وخـيـرو لله الشكر = ونـشكـر الـدولة عـلى مقـدورها

وخـتامها صلوا على سـيـد البشـر = شـفـيع الأمه بعـثـها ونـشـورها


قصيدة الشاعرمبروك مبارك أبوناب العصلاني الحربي للشيخ محمد بركه إسماعيل بن مبيريك بمناسبة ترفيعه للمرتبة الرابعة عشر :

فالحفله اللي كل طيب لفالها
يسمع بسمعتها وبّنة ورودها

يامرحبا باللي حضرهاوجالها
ترحيبة ما بيّح الله سدودها

الحفله اللي عزها من رجالها
حفلة بني غانم وحنا عضودها

بوجود شيخٍ كل طاله زها لها
أبوأيمن اللي من مناسب فهودها

حرٍ ولد حرٍ حضر واعتنالها
محافظ الديره وحافظ جنودها

عز الرجال اللي كرامٍ سبالها
مثل السيوف اللي رهافٍ حدودها

وعز الضعوف اللي قصارٍ حبالها
ماغيريسكب دمعها مع خدودها

أبوأيمن اللي مطلع في حوالها
الشاهد الله والخلايق شهودها

تشهد جنوب المملكه مع شمالها
والدار واهل الدارواللي يرودها

ما كل من شال الحمول إرتكالها
إلا رجالٍ عزمها من جدودها

ولا كل من جات الدعاوي ثبا لها
حتى ينيّر صدرها من ورودها

ولاكل من جات الثقيلات شالها
ما همّته نقص المعاني وزودها

أبوأيمن اللي كل هذي صحا لها
شايل عصاة العزماأهتزعودها

ولد الزعيم اللي مدرك ضلالها
يوم اختلط بيض الليالي وسودها

يوم ان بقعى زلزلت من خيالها
تبرق بوارقها وترعد رعودها

مدرك مكاسبها على راس مالها
عساه فالجنه وداخل خلودها

وأولادغانم كلهم من جمالها
والنار دايم قبسها من زنودها

العزوه اللي لبسها من عزالها
يوم الرجال غبنها فكبودها












توقيع : خالداللهيبي

للتواصل معي
حسابي بالتويتر :
mntdyat@

عرض البوم صور خالداللهيبي   رد مع اقتباس
قديم 04-23-2011, 08:08 AM   المشاركة رقم: 4
المعلومات
الكاتب:
اللقب:
( مـــؤ ســس )

البيانات
التسجيل: Feb 2010
العضوية: 7
المشاركات: 15,255 [+]
بمعدل : 9.29 يوميا
اخر زياره : [+]

التوقيت

الإتصالات
الحالة:
خالداللهيبي غير متواجد حالياً
وسائل الإتصال:

كاتب الموضوع : خالداللهيبي المنتدى : منتدى المحاورات المنقوله
افتراضي رد: وقفات مع الشاعر الكبير (مبروك مبارك ابو ناب العصلاني ) 0





مقتطتفات من اشعاره









يقول الشاعر مبروك ابو ناب
في احدى قصائده التي تتحدث
عن الغزو الثقافي والتطرف
وألإرهاب الداخلي والخارجي
والمناسبه :
على شرف سعادة محافظ محافظة مدينة رابغ / الشيخ طه عمر إسماعيل الغانمي قام أهالي محافظة رابغ بالمشاركة في فعاليات حملة التضامن الوطنية ضد ألإرهاب وقال الشاعر / مبروك مبارك ابو ناب العصلاني هذه القصيدة :



سميت بالرحمن فأول جوابي
الوالي المولى شديد العقابي
وأمسيت أفكر فالخطأ والصوابي
ومن شان هذا العلم نظمت الابيات

بسم الزعيم اللي محافظ بلدنا
يا شيخنا يا عزنا يا سعدنا
شيخٍ لنا وللصفّة اللي بعدنا
وموفقه ربي لكل الجميلات

حرٍ ولد حرٍ وجدٍ بعد جد
بيت الشرف معمور ما عاد ينهد
ومعاهد ابن سعود ومجدد العهد
ويشهد عليه الله رب السماوات

بسم الحروب اللي لهم فعل يذكر
بالدين و التوحيد و الخير و الشر
ربعٍ لهم تاريخ فالبحر والبر
يوم إنها مثل البحور المطمّات

حنا حروب ودارنا كلها حرب
فالمملكة تمتد من الشرق للغرب
وتصل الجنوب وشام يفتح لها درب
من دونها مثل الجبال المنيفات

حامينها يالين جانا السعودي
اللي حكم بالعدل كل الحدودي
باللي ملحها مثل صوت الرعودي
والسيف قطاع الرقاب الثقيلات

وجات الصداقة يوم حرب الرغامه
يوم الزلازل مثل صوت القيامه
والشيخ ابو محسن مؤرخ كلامه
درك علاقه مع رجال السعودات

آل مبيريك معززين الصداقه
ومعمرين البيت حسب العلاقه
الطيب والقانون فرعه وساقه
وموثقين العهد حسب العلاقات

شيوخنا دائم على العهد باقين
وحنا جنود الفهد للدار حامين
نحمي ديرنا من عيون الشياطين
وحنا رجال الحرب وقت المهمات

يا ملوكنا دمتوا لنا دايم الدوم
وحنا لكم خدام ونحارب القوم
ومن مات من دون الوطن مات مرحوم
ربي يسكّنه الدروج العليّات

الله يعز الدين ويموت ألإرهاب
اللي على العالم يجيبون الاسباب
اسم الله اكبر يا مفرقة الاقراب
يااهل المشاكل و النفوس الخبيثات

من هو يخون فعهده اللي موثق
يحكم عليه الشرع يُرجم و يُشنق
وفالآخره فالنار يُرمى و يُحرق
ولا ينفعه كثر المنى والحسافات

يا راعي الإصلاح منكور منكور
يا مسيلمة يا معلن الكذب والزور
خاين و ناكر هاين النفس مقهور
ذليت روحك لجل عين الخواجات

بعد المعزّة صرت توطأ وتنداس
عند اليهود مطأطأ العين والراس
منته فقيه انت إمعّه وأرذل الناس
واللي معك أنذال سوو عصابات

انتم طعام النار و انتم حطبها
يا الشله اللي ساع ربي نكبها
راع الجريمة جابها وارتكبها
الله يجنبنا الخطأ و المصيبات

يا الله تأمنا و تأمن وطنا
ويا الله تزيل الظلم و الحزن عنا
واللي يخون العهد ما هو بمنا
يُرجم على راسه بسبع حصوات

يا دارنا ربي يعزّك ويحميك
من كل حساد البشر و الصعاليك
وجعل العيون اللي نوت بالطمع فيك
تُظلم فدنياها و تُحشر فظلمات




قال الشاعر / محمد بن شريّف الجبرتي السلمي في إحدى محاوراته مع الشاعر مبروك ابو ناب العصلاني الحربي :

الحظ عوّد مع ديّار سليم يوم الحظ قام
واليوم ديرة حرب يا مبروك يعوي ذيبها
الله يحييكم تعالوا عندنا وإبنوا خيّام
بس الحجر والطوب والاسمنت لا تبنيبها

رد الشاعر / مبروك مبارك ابو ناب الحربي :

حنا كسبنا الاولات اللي لها ستين عام
تدريبها و لاّ ليا ذالحين ما تدريبها
الخط ما هو خطكم تخطيط مرحوم العظام
واليوم نمشيها على خبث النفوس وطيبها


@@@


قبل تسع سنوات تقريباً جاءت دعوة وعزيمة من دولة الكويت للشعراء مبروك العصلاني ابو ناب وعوض الله السلمي ابو مشعاب و بكر الحضرمي و شبيب العتيبي و عمر الخالدي وغيرهم وكان الوكيل على قهوتهم و جميع أغراضهم الشاعر / عوض الله ابو مشعاب وقبل السفر الى الكويت لقيهم الشاعر / مطلق الثبيتي الله يرحمه في ملعبة عند الشاعر / شبيب العتيبي في مدينة جده قال الشاعر / مطلق الثبيتي الله يرحمه :

وداعة الله يالمسافر و اذهن الذيب
الذيب يأكلها و ينهشها بدمها
إصحى لابو مشعاب نقّاش المشاعيب
لايأكل التمره و يعطيكم عجمها

رد الشاعر / مبروك ابوناب الحربي :

حنا ليا وقنا في روس المراقيب
اللي قسمها صاحبي بنقتسمها
ولا أنت لو تطلع عليك الشمس وتغيب
لا تقرب البلهاء ولا تارح دسمها
</b></i>












توقيع : خالداللهيبي

للتواصل معي
حسابي بالتويتر :
mntdyat@

عرض البوم صور خالداللهيبي   رد مع اقتباس
قديم 04-23-2011, 08:11 AM   المشاركة رقم: 5
المعلومات
الكاتب:
اللقب:
( مـــؤ ســس )

البيانات
التسجيل: Feb 2010
العضوية: 7
المشاركات: 15,255 [+]
بمعدل : 9.29 يوميا
اخر زياره : [+]

التوقيت

الإتصالات
الحالة:
خالداللهيبي غير متواجد حالياً
وسائل الإتصال:

كاتب الموضوع : خالداللهيبي المنتدى : منتدى المحاورات المنقوله
افتراضي رد: وقفات مع الشاعر الكبير (مبروك مبارك ابو ناب العصلاني ) 0


الزواميل

في يوم الخميس الموافق 18/5/1427هـ أقام شاعر حرب / مبروك بن مبارك العصلاني الحربي الملقب بأبوناب إحتفال كبير في محافظة رابغ بمناسبة زواج إبنه الشاب حسن بن مبروك العصلاني الحربي وفقهم الله و هذه حدايا رائعة تبيّض الوجه قيلت في ذلك اليوم :





قبيلة السلمان :




سلام ردة من سليم اهل الظبية والقرا=ردة كما نو الحيا اللي يجعل الفن اخضرا

تنصى زعيم زبيد في مثباه في بيت الذرا=الله يديمه في محله للقريّب والبعيد
والثانية جانا خبر شبيه مسك وعنبرا=يفرحبه السامع بعد جاه المخبّر واخبرا

والخوف من رجعه ولا انه جوف بيع و مشترا=وانه كماه العام يوم انه تحزّم من جديد


الرد :




يا مرحبا من حرب عد المزن لا ارعد و امطرا=ترحيبةٍ عز و شرف يدريبها اللي ما درا

ميقافنا كلاً يعرفه فالنهار الأكبرا=يوم الشرى و البيع فالميقاف ما ينقص يزيد
كلاً على فكره و معرفته يسوي ما يرا=والمنزلة فيها صقور تنوب وعيونك ترا

فالمقبلات تشوف و الشقيان عرقه فالثرا=علّم سليم اهل ذره واهل ستاره والمديد


الشاعر/ عبدالرحمن بن سليطين القريقري و عرابي القريقري :




سلام ردة للزعيم اللي تشرفنا علومه=اللي ليا جات اللوازم ما تخلّى عن لزومه

حمّاي للميقاف من جوده ومن شدّة عزومه=راعي صمايل لو يطول الوقت عظمه ما يلين
جينا على مذهب عرب و القن نمشي في سلومه=واللي مسيّس من قديم الوقت ما نخلف رسومه

من شان راع الوزعه اللي عندنا جزله قسومه=من يوم جاء الداعي و حنّا للمقابل جاهزين


الرد :




يا مرحبا باللي ليا جانا يشرّفنا قدومه=ترحيبةٍ عز وشرف بالطيب و القن محكومه

اللي يكمّل مثلكم في ماقفه محداً يلومه=ميقافنا واحد ولا يحدى يسار ولا يمين
ملفاك تاج الراس لافيها جدال ولا خصومه=لجل المواقف بيننا من سابق الوقت محسومه

اللي على الجدّان نفخر فيه والمولى يدومه=من يوم شافتكم عيوني فالفرح مستبشرين


بندر بن معيض العجي وربعه الجوابر :




سلام يا شاعر كبير و عند ربعه حرب غالي=شاعر قديم وله مكانه عاليه في برج عالي

ردّيةٍ من عندنا ترضي صناديد الرجالي=واللي حضر في حفلكم يازبيد ملفاها عليه
ياربعنا ياللي لكم وقفه كما صم الجبالي=حنا هل الميقاف و الواجب على طول الليالي
ميقافنا معروف لا هبت نسانيس العوالي=من دون لازمنا وكلاً له لزومه يحتميه
من سابق الأيام ما شال الحمول إلا الجمالي=والرأس يثبت كان ساس الجدر بنيه بالعدالي

وايامنا هذي تدور و بين مر و بين حالي=والا بنادم له عميلٍ في طريقه يحتريه


الرد :




يا مرحبا يا ربعنا بقدومكم مستر بالي=ترحيبةٍ من عندنا تقري دسيمين السبالي

بإسم الزعيم اللي فعوله مثل ابوزيد الهلالي=واللي يبينا من قبايلنا ترى حنّا نبيه
ميقافكم ما ننكره و بيوتنا فيها الظلالي=كلاً يعرف الحر شيّال الخفايف و الثقالي
ميقافنا ميقافكم ما يختلف فأول و تالي=إنتم و حنّا جدنا مسروح ميقافه نزيه
من سابق الأيام هذا العلم ما يبغى جدالي=البيت ثابي في موازين العداله ما يزالي

هذا الصحيح اللي نقوله دون حيله واحتيالي=بنيه على وضح النقا من قدّم الطيّب لقيه


الشاعر الكبير / عايش الزبالي :




سلام رديّة سواة النور جلاّي الظلامي=يالشاعر اللي في مواقف حرب له خمسين عامي

تشهد له الشعّار فالميقاف في وقت الزحامي=جزعه و فزعه فيه وعقود الحبال يحلها
والثانية رجلٍ كريم ومن رجاجيلٍ كرامي=يستاهل التقدير منّا و الوفاء والإحترامي

أمثال ابو محسن فعلم الطيّب ياخذله و سامي=لو الشعر و الطيب فيه دروع أخذها كلها


الرد :




يا مرحبا في مرحبا ياللي تردون السلامي=يا ربعنا يااهل الزعامه يا رفيعين المقامي

إنتم عزاتي يا عضودي يوم تشخيص الأسامي=ميقافنا واحد على كل العداه نذلها
انته خشيري يا الزبالي يوم جانا البحر طامي=فالماقف الغصّاب كسّاب الجميله فالزعامي

واللي حضر من حرب فالميقاف بايشد الحزامي=هذي عوايد حرب في كثر العلوم و قلها


سليمان السهلي و الشاعر / أحمد بن نافع الفارسي و خوياهم :




سلام يا قصرٍ جويد الساس من عهد النبوه=ومعززه مولاه بأمره ما تهزه كل قوه

يشهد له التاريخ بأفعال الرجوله و المروه=حاظر وماضي رايته بيضاء لرفعت كل رايه
جينا نكمّل في وجوب أهل الشجاعه و الحموه=ونقول ياراع الشداد اليوم تو العمر توه

يالفارس اللي ماقفه مشهود فوجوب السموه=مالك عذر حتى ترّشح فارسٍ فيه الكفايه


الرد :




يا مرحبا عداد وبل الغيث يوم يهل نوه=القصر في مثباه من ساسه عمار اليا علوه

من سابق الأيام لا ذا الحين حرّاب لعدوه=دايم مواقيفه شريفه فالبدايه و النهايه
جيتوا على سبل الوفاء حسب الصداقه و الأخوه=وشدادنا محمي ومن فرع الكواكب شوف ضوه

والفارس اللي نذكره موجود والله لا يسوه=واللي يسد النوب فالميقاف ما يبغى وصايه


الشاعر / عطاالله بن حمادي الغانمي وربعه الغوانم :




سلام يا بيت الوفاء اللي فالمراقيب الرفيعه=فيه الزعيم اللي رسم مبناه في حسن الطبيعه

جينا نكمّل واجبه بالطيّب و نرد الصنيعه=حنّا نجي في حزة الميعاد ناصل كل ماد
له وقفته من دون حرب وله مواقيفٍ شجيعه=لاجاء مقابلة الخصوم اللي مضاربهم شنيعه

اليوم ما نبغى إعتزاله جاتنا فجعه سريعه=من شان ابومحسن مواقيعه على وسق الشداد


الرد :




يا مرحبا يا ربعنا يااهل المعاريف الوسيعه=اللي لهم ميقاف فاللازم و سدتهم منيعه

نفرح بملقاكم و تشريفك لنا ما هو بديعه=كملتوا الماجوب و التوفيق من رب العباد
والنار حيّه يالحروب ومن وجد علماً يذيعه=والبيرق المنشور سلمناه أمانه مع وديعه

والحر ما ينلام لامنه بذل ما يستطيعه=كلاً مكمّل واجبه والله عليه الإعتماد


ثابت بن مهجي القريقري و الثوري وخوياهم :




سلام جينا للزعيم اللى مسمى ابو حسن=حنّا نعز ابو حسن مثل المعزه للوطن

لجله رفيق الجنب بالإثبات مع طول الزمن=زعيم حرب اللي ليا جاء ماقفه نعم الزعيم
جينا على الرأي السديد بسبل و نصيغ اللحن=ممدودنا مثل الذهب و يزيد صرفه و الثمن
منّا التهاني للعريس تفوق ما جاء فالذهن=إنتم و حنّا فالوجوب نعزز البني القديم
والثالثه و شهن عذارى حامياتٍ للظعن=منزالهن وسط الجبال النايفات لهن سكن

يالله يا ربي تكافيهم من اشرار المحن=واللي يحل اللغز يفهم واسمه الرجل الفهيم


الرد :




يا مرحبا في مرحبا ترحيب يوفي كل قن=ترحيبةٍ تضفي سواة الكيف من هيلٍ و بن

في حلة اللي يكرم الضيفان من شام و يمن=واللي على درب الوفاء ممشاه دايم مستقيم
جيتوا على عز وشرف واللي له الطيّب ظمن=راع الوفاء ياخذ وفاء يا حرب فيديه الرسن
فرحه كبيره للجميع و معلّقه في كل فن=والبيت مبني من قديم الوقت بالساس السليم
واللغز ما غير العيون و حلّنا منها مكن=اللي عدلها الله في رأس الرجل يقدن البدن

مخلوقة الخلاّق نعمه ما بها شكٍ و ظن=هذي حلول اللغز يالعراف بالرأي الحكيم


.........




سلام يا راعي محله ما يجي فيها بداله=راعي مواقف تنحسب ما تنقبل فيها الوكاله

نفرح بمحضاره ليا من الحيا صدّق خياله=يوم ان كلاً دون راسه دارقه يده بعصاه
يا بيت يا مبني جويد الساس ويظلل ظلاله=فيه الزعيم اللي مجوّد بين ابوه و بين خاله

يشهد له التاريخ بالأفعال و يثبّت مقاله=راع المحلّه عن محله ما يغيّر مستواه


الرد :




يا مرحبا باللي لفانا بالوفاء والطيب فاله=ترحيب من رأس الأصيل و ربعته هم رأس ماله

أللي ليا جاه اللزوم لعزوته ما هو لحاله=ما يختلف من دوّره في حزة الماقف لقاه
أيامنا و ليالنا دامت موازين العداله=والبيت ثابي ما أختلف دايم و حامينه رجاله
يكفيك ما تقراه عن ذكره و تبليغ الرساله=حظ الحروب اللي رفع قدره وعالي في بناه












توقيع : خالداللهيبي

للتواصل معي
حسابي بالتويتر :
mntdyat@

عرض البوم صور خالداللهيبي   رد مع اقتباس
قديم 04-23-2011, 10:21 AM   المشاركة رقم: 6
المعلومات
الكاتب:
اللقب:
شاعر
الصورة الرمزية
 
الصورة الرمزية عمرالكنيدري

البيانات
التسجيل: Jan 2011
العضوية: 904
المشاركات: 662 [+]
بمعدل : 0.51 يوميا
اخر زياره : [+]

التوقيت

الإتصالات
الحالة:
عمرالكنيدري غير متواجد حالياً
وسائل الإتصال:

كاتب الموضوع : خالداللهيبي المنتدى : منتدى المحاورات المنقوله
افتراضي رد: وقفات مع الشاعر الكبير (مبروك مبارك ابو ناب العصلاني ) 0

مشاء الله تبارك الله
ابداع ياابو احمد في سرد نبذه تعريفيه عن الشاعر الكبير والمعروف مبروك العصلاني
احد شعراء حرب المعروفين على الساحه ويمتاز بقوة البدع والرد في فن الزوماله والحدايا الله يعطيه الصحة والعافيه

والشكر الجزيل لك اخي الحبيب خالد اللهيبي على روعة ماقدمت
تحياتي وتقديري،،،












توقيع :


om-vip@hotmail.com

عرض البوم صور عمرالكنيدري   رد مع اقتباس
قديم 04-24-2011, 03:43 PM   المشاركة رقم: 7
المعلومات
الكاتب:
اللقب:
مستشار عام ومشرف على المنتديات الادبية

البيانات
التسجيل: Feb 2010
العضوية: 22
المشاركات: 5,538 [+]
بمعدل : 3.38 يوميا
اخر زياره : [+]

التوقيت

الإتصالات
الحالة:
بدر العريمه غير متواجد حالياً
وسائل الإتصال:

مـجـمـوع الأوسـمـة: 1

لداعمين الحفل




كاتب الموضوع : خالداللهيبي المنتدى : منتدى المحاورات المنقوله
افتراضي رد: وقفات مع الشاعر الكبير (مبروك مبارك ابو ناب العصلاني ) 0

الله يطول بعمر الشاعر الكبير : مبروك ابو ناب شاعر وضع له بصمه بساحة الشعر الحقيقي

له مواقف مشرفه لللقبيله وشاعر غني عن العريف ويعتبر من اكبر شعراء الخليج العربي

طول الله بعمرك يابو ناب على العز والطاعه وامدك بالصحة والعافيه

بارك الله فيك يابو احمد على هذا الموضوع المميز والله يعطيك العافيه












عرض البوم صور بدر العريمه   رد مع اقتباس
قديم 07-24-2011, 09:32 PM   المشاركة رقم: 8
المعلومات
الكاتب:
اللقب:
مستشار عام ومشرف منتديات المحاوره

البيانات
التسجيل: Oct 2010
العضوية: 440
المشاركات: 530 [+]
بمعدل : 0.38 يوميا
اخر زياره : [+]

التوقيت

الإتصالات
الحالة:
مضحي بن جمران غير متواجد حالياً
وسائل الإتصال:

مـجـمـوع الأوسـمـة: 1

لداعمين الحفل




كاتب الموضوع : خالداللهيبي المنتدى : منتدى المحاورات المنقوله
افتراضي رد: وقفات مع الشاعر الكبير (مبروك مبارك ابو ناب العصلاني ) 0

طال عمره على العز والمعزه شاعرنا الكبير الشاعر العلم مبروك ابو ناب العصلاني تعجز الاقلام توفيه حقه هذا الجبل الاشم الله يمتعه بالصحه والعافيه كل حرب من الغرب الي الشرق تفخر وتتنومس بهذه القامه الشعريه اطال الله بعمره وعمرك يابو احمد واشكرك على هذا النقل لهذه النبذه المختصره عن شاعرنا العلم /مبروك ابوناب وكحلة اعيينا وعطرت مسامعنا بما احتوى هذا النقل الراقي من ادب جم وابداع متميز ونخب اول ثمين سلمت ودمت












توقيع :

لاصار بالدنيا رفيقك يخليك=مامن وراء عوج النصايب صداقه

عرض البوم صور مضحي بن جمران   رد مع اقتباس
قديم 12-01-2011, 05:23 PM   المشاركة رقم: 9
المعلومات
الكاتب:
اللقب:
( مـــؤ ســس )

البيانات
التسجيل: Feb 2010
العضوية: 7
المشاركات: 15,255 [+]
بمعدل : 9.29 يوميا
اخر زياره : [+]

التوقيت

الإتصالات
الحالة:
خالداللهيبي غير متواجد حالياً
وسائل الإتصال:

كاتب الموضوع : خالداللهيبي المنتدى : منتدى المحاورات المنقوله
افتراضي رد: وقفات مع الشاعر الكبير (مبروك مبارك ابو ناب العصلاني ) 0

هلا وغلا

الله يحييكم وشرفتموني بالمرور

تسلمون












توقيع : خالداللهيبي

للتواصل معي
حسابي بالتويتر :
mntdyat@

عرض البوم صور خالداللهيبي   رد مع اقتباس
قديم 03-06-2012, 09:04 AM   المشاركة رقم: 10
المعلومات
الكاتب:
اللقب:
مستشار عام
الصورة الرمزية
 
الصورة الرمزية ابوفهد الحربي

البيانات
التسجيل: Aug 2011
العضوية: 2044
المشاركات: 9,779 [+]
بمعدل : 9.01 يوميا
اخر زياره : [+]

التوقيت

الإتصالات
الحالة:
ابوفهد الحربي غير متواجد حالياً
وسائل الإتصال:

مـجـمـوع الأوسـمـة: 3

الإداري المميز

التميز

التواصل




كاتب الموضوع : خالداللهيبي المنتدى : منتدى المحاورات المنقوله
افتراضي رد: وقفات مع الشاعر الكبير (مبروك مبارك ابو ناب العصلاني ) 0

تسلم يمناك الله يعطيك العافيه, على جهودك الرائعه:
تحياتي وتقديري لكم












توقيع :

عرض البوم صور ابوفهد الحربي   رد مع اقتباس
إضافة رد


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:33 PM.


Powered by vBulletin® Version 3.8.7
Copyright ©2000 - 2014, vBulletin Solutions, Inc. Trans by
الحقوق محفوظه لمنتديات قبيلة حرب الرسمية